Vil du bli vår nye medarbeidar innan reinhald? Bli med i vårt fleirkulturelle lag!

Er du ein detaljorientert og påliteleg kollega som likar reinhald og å sjå eit umiddelbart resultat av arbeidet du gjer? Vil du bidra til eit reint og triveleg miljø for dei som brukar kommunale bygg? Likar du i tillegg å arbeide med data og kontorarbeid? Då er du den me leitar etter!

Stillinga er i avdeling reinhald og tekstil, under teknisk drift og infrastruktur. Stillinga er fordelt med 70 % i reinhald og 30 % som leiande reinhaldar, for tida i sone Åmot. Me yter reinhaldstenester til skular, barnehagar, sjukeheim, omsorgsenter, kontorbygg med meir. Reinhaldsavdelinga er organisert i team og er opptekne av å hjelpe kvarandre for å gje gode tenester.

Me yter reinhaldstenester til alle skular, barnehagar, sjukeheim, kontorarbeidsplassar med meir. Me held oss oppdatert med moderne reinhaldsutstyr. For å ivaretaka deg som tilsett, er me opptekne av god ergonomi, å tilpasse arbeidsutstyr og arbeidstilhøve for å styrke det fysiske arbeidsmiljøet og redusere arbeidsbelastning. Reinhaldsfaget er variert og gjev deg god fysisk aktivitet gjennom arbeidsdagen. 

Arbeidsoppgåver

Hovudoppgåver som leiande reinhaldar:

• Leie reinhaldarar, for tida i sone Åmot.
• Ansvarleg for å skaffe vikarar og gje opplæring.
• Bruke programmet Gat til arbeidsplanar, time- og fråversregistrering.
• Oppdatere og lage enkle reinhaldsplanar for bygga.
• Setje deg inn i, og bruke kommunen sitt verktøy for internkontroll.
• Organisere og planlegge reinhaldet.
• Opplæring og oppfylging av brannførebyggande arbeid.
• Ansvar for innkaup.
• Utføre tilsynsrapportar.
• Samarbeid og møte med verksemdsleiar.
• Samarbeid med brukarane.

Hovudoppgåver som reinhaldar:

• Dagleg, periodisk og hovudreingjering av kommunale bygg.
  
• Smittereinhald ved behov.
• Utføre arbeidsoppgåver etter reinhaldsplanar.
• Samarbeid med andre tilsette og brukarar av kommunale bygg.
• Påfyll av t.d. såpe- og papirdispenserar, handtering av restavfall med meir. 
• Bruk av golvvaskemaskiner og reingjering/vedlikehald av desse. 

Kvalifikasjonar

• Utdanning innan fagområdet er ynskjeleg.
• Erfaring innan fagområdet. 
• Fordel med reinhaldserfaring innan skule og barnehage.
• Gode datakunnskaper
• Fysisk god helse, kunne gå mykje i løpet av dagen, gå i trapper, bere/lyfte varer og utstyr.
• Du må utføre arbeidsoppgåver etter god ergonomi. 
• Forstå og snakke godt norsk.
• Førarkort klasse B.
• Må kunne disponere eigen bil.
• Krav til politiattest. 

Personlege eigenskapar

• Gode haldningar og evne til å kommunisere godt med tilsette med ulike morsmål og kulturar.
• Gode samarbeidsevner for å kunne jobbe i team.
  
• Fleksibilitet ved byte av arbeidstid, arbeidsoppgåver og arbeidsstader etter behov. 
• Vere merksam på detaljar og oppretthalde ein god standard for reinhald/hygiene.
• Bidra positivt til eit godt arbeidsmiljø. 
• Evne til å arbeide sjølvstendig og i periodar aleine. 

Me tilbyr

• Gode forsikrings- og pensjonsordningar.
• Faglege oppdaterte og dyktige kollegaer.
• Arbeidsmiljø med fokus på den gode arbeidsplassen, ergonomisk og psykososialt. 
• Løn etter KS tariff og lokal lønstabell.
• Funksjonstillegg for leiande reinhaldar.
• Kilometergodtgjering etter statens satsar, når du køyrer mellom arbeidsstadene. 
• Fast godtgjersle for å nytte eigen bil.
• Gode barnehagetilbod. 
• I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta.
• I samsvar med offentleglova § 25 kan namn på søkjarane offentleggjerast. 
• Aktuelle søkjarar blir kalla inn til intervju 

Kontaktinformasjon

Signe Bjørg Solberg, Verksemdsleiar reinhald, +47 90010867

Arbeidsstad

Vinjevegen 192
3890 Vinje

Nøkkelinformasjon:

Arbeidsgivar: Vinje kommune

Referansenr.: 4944307548
Stillingsprosent: 100%
Fast
Startdato: 04.08.2025
Søknadsfrist: 28.05.2025