Vil du bli vår nye psykiater?

Psykiatrisk klinikk er eit distriktspsykiatrisk senter for kommunane i Sunnfjord og Ytre Sogn og har også sentralsjukehusoppgåver med akuttpost, sikkerheitspost og vaksenhabilitering. Avdelinga har 18 faste legestillingar, LIS1 og medisinstudentar vår og haust.

Stillinga er formelt plassert ved psykiatrisk klinikk, men er for tida tilknytt PSK sikkerheit sitt ambulerande sikkerheitsteam.

Psykiatrisk klinikk sikkerheit består av ein sengepost og ein poliklinikk med ambulerande funksjon. Sengeposten har 3 døgnplassar og er ein sengepost for personar med alvorleg sinnsliding, der det også er ein betydeleg risiko for vald. Ein tek imot pasientar både på frivillig og tvungen psykisk helsevern, inkludert pasientar som har dom på overføring til tvungen psykisk helsevern. Ambulant sikkerheitsteam er eit poliklinisk tilbod til same pasientgruppe, og som per i dag følgjer opp 10 pasientar ute i eigen bustad/tiltak. Sikkerheitsteamet består av koordinator (spesialsjukepleiar), spesialist og primærkontaktar (høgskule og helsefag). 

Stillinga i ambulerande sikkerheitsteam tillet fleksible arbeidsvilkår. Stillinga i ambulant sikkerheitsteam er estimert til ca 50%, ei full stilling vil ein då måtte kombinere med arbeid ved sengepost eller poliklinikk. Ein kan etter nærare avtale drøfte moglegheit for tilsetting i lågare stillingsprosent.

LIS3 som har under 1 år igjen til å bli psykiater kan også bli vurdert for stilling som overlege. 
Avdelinga har fleire spennande prosjekt innan forsking og utvikling. NORSE tilbakemeldingsystem er utvikla ved vår avdeling.

Mars 2021 flytta vi inn i nybygg ved sentralsjukehuset i Førde, med 4 sengepostar, poliklinikk og Førde BUP, sjå video nederst i annonsa.

Arbeidsoppgåver

• Hovudoppgåva er å vurdere, diagnostisere og behandle tilviste pasientar
• Den som vert tilsett må ventast å ta del i utvikling av fagtilbodet ved avdelinga
• Delta i vaktordning på Psykiatrisk klinikk sine einingar
• Ein må pårekne å gjere teneste ved sengepostar og poliklinikk etter dei behov avdelinga har
• Rettleiing/opplæring/undervisningsoppgåver til helsepersonell.
• Samarbeid internt og med eksterne samarbeidspartar

Kvalifikasjonar

• Norsk autorisasjon som psykiater
• LIS3 som har under 1 år igjen til å bli psykiater kan også bli vurdert for stilling som overlege. 
• Gode språkkunnskapar i norsk, både skriftlege og munnlege, er heilt avgjerande for forsvarleg pasienthandsaming. Ikkje-nordiske statsborgarar må minimum ha bestått Bergenstesten, eller annan norsktest på B2-nivå. Dokumentasjon må leggjast ved søknad (gjeld berre for helsepersonell)
• Du må ha førerkort i klasse B

Personlege eigenskapar

• Du har motivasjon og interesse for fagfeltet
• Du kommuniserar og samarbeider godt med pasientar, pårørande og kollegaer
• Du har god fagleg vurderingsevne, arbeider målretta og toler å stå i krevjande situasjonar

Vi tilbyr

• Høgt fagleg nivå
• Fagleg og personleg utvikling
• Eit aktivt og triveleg arbeidsmiljø
• Løn i samsvar med gjeldande overeinskomst
• Gode pensjons- og forsikringsordningar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.    

Kontaktinformasjon

Sigmund Erling Bjørhovde, Seksjonsleiar legar PSK, (+47) 900 37 348

Arbeidssted

Svanehaugvegen 2
6812 FØRDE

Nøkkelinformasjon:

Arbeidsgiver: Helse Førde

Referansenr.: 4967735645
Stillingsprosent: 100%
Fast
Søknadsfrist: 15.06.2025