Avdeling for avlastning og oppfølging er i dag ein del av Eining for habilitering i sektor for rehabilitering, helse og omsorg (RHO). Frå nyttår skal avlasting og oppfølging av born og unge i sin heilskap vera organisert under sektor for oppvekst og kultur(OKU). Dette er eit ledd i Stord kommune sitt arbeid for å sikra heilskaplege tenester til barn og unge. Avdelinga vert då ein del av eininga Førebyggjande tenester.

Avdelinga har base i avlastingsbustaden i Sævarhagen, der ein flytta inn i heilt nytt og moderne bygg i 2023.

Det er ledig fast 100% stilling som avdelingsleiar for avlasting og oppfølging.

Me søkjer ein leiar som

• vil utvikla og leia arbeidet i avdelinga i samarbeid med tenestemottakarar, føresette og tilsette

• er resultat- og utviklingsorientert, legg vekt på å sikra kvalitet av tenestene og har evne til å nå dei måla ein set

• er godt kjend med og har god kompetanse på gjeldande lover og forskrifter for området og kommunen sine plikter i medhald av desse

• har arbeidsglede, godt humør og gode samarbeidsevner

• er positiv, engasjert, strukturert og samlande

• veit korleis ein skal byggja ein god organisasjonskultur og har evne til å skapa eit godt utviklings- og arbeidsmiljø

Arbeids- og ansvarsområde for avdelingsleiar:

• Dagleg drift i Sævarhagen avlastingsbustad, følgje opp private avlastarar og vedtak om omsorgsstønad.

• Følgja opp eininga og avdelinga sine målsettingar

• Ansvar for at me yt tenester av god kvalitet innanfor tildelte rammer og i samsvar med tenestemottakarane sine vedtak og plan for tiltak

• Personaloppfølging

• Samarbeida og dele kompetanse på tvers av avdelingar og einingar

• Kjenne til og nytta seg av avdelingane sine prosedyrar og rutinar

• Turnusplanlegging

• Internkontroll

Kvalifikasjonskrav:

• Søkjarane bør vera vernepleiar eller sjukepleiar, men anna relevant utdanning på bachelornivå vil og kunna verta vurdert.

• Kompetanse og erfaring innan administrasjon/ leiing vil bli vektlagt.

• I tillegg til formell kompetanse og erfaring vil ein og leggja vekt på personleg eignaheit til stillinga.

• Førarkort klasse B er ein fordel.

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord ve og vel med moglegheit for leige av leilegheiter i Røldal, Husøy med båt, trimrom og utleige av tilhengar mm.

• Løns- og arbeidsvilkår i samsvar med kommunalt avtaleverk

• Offentleg tenestepensjon i KLP.

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Nærare opplysningar får ein ved å venda seg til einingsleiar for Førebyggjande tenester Birthe Blokhus tlf. 920 64 415