Om stillinga

Alver kommune skal tilsette kommuneoverlege i 100 % fast stilling 

Som kommuneoverlege i Alver kommune er du den øverste medisiskfaglege rådgjevar i kommunen og du vil ha ei viktig rolle i det systematiske og strategiske arbeidet i kommunen.

Arbeidsoppgåver

Eksempel på arbeidsoppgåver:

• Gi råd og delta i kommunal planlegging, styring og evaluering av tenester, og ressursforvaltning
• Delta i systematisk og kunnskapsbasert folkehelsearbeid
• Bidra til godt samarbeid og gode rutinar i samhandling mellom kommunehelsetenesta og spesialisthelsetenesta
• Utføre lovpålagde oppgåver etter psykisk helsevernlova og smittevernlova
• Delta i beredskapsarbeid og ulike prosjekt

Kvalifikasjonskrav

• Norsk autorisasjon som lege, og gjennomført LIS 1 - tjeneste
• Spesialist i samfunnsmedisin
• Søkarar som har starta på spesialisering innan samfunnsmedisin kan være aktuelle
• Søkjare med annan relevant spesialitet med interesse for samfunnsmedisin kan søke med føresetnad om å ta spesialitet innan samfunnsmedisin.
• Kunnskap om offentleg forvaltning og sakshandsaming
• Interesse for, og erfaring med arbeid på systemnivå
• God framstillingsevne på norsk, både munnleg og skriftleg.

Personlege eigenskapar

Vi ser etter ein kommuneoverlege med gode samhandlings- og kommunikasjonsevner. Det er viktig at du kan tenke heilskap, og sjå det overordna bilete. Du er ein bidragsytar til godt miljø, både fagleg og sosialt, og samarbeider godt på tvers av ulike fagområder. Du har god gjennomføringsevne, og trivst med å organisere eigen arbeidsdag. 

Personlege eigenskapar vil bli vektlagt.

Vi tilbyr

Som kommuneoverlege i Alver kommune vil du ha spennande arbeidsoppgåver i ein kommune i stadig utvikling. Du får stor grad av variasjon og sjølvstende i arbeidet. Vi tilbyr personleg plassert lønn og god pensjonsordning. Kontoret du vil ha er lokalisert på rådhuset i Knarvik. Du har arbeidstidsordning med fleksitid, og høve til heimekontor når det er formålsteneleg. Alver kommune er registrert som utdanningsvirksomhet i samfunnsmedisin, og det vil bli lagt tilrette for videre- og etterutdanning i samfunnsmedisin.