Lignende stillinger
Bykle kommune har god økonomi og er ein veldrive organisasjon som leverer gode tenester til innbyggarane. Kommunen har vedteke ei endring i leiarstrukturen med innføring av kommunalsjefnivået og etablering av tre kommunalsjefområde; samfunn, oppvekst og kultur, og helse og omsorg. Endringa inneber at kommunen får tre leiarnivå der kommunedirektør sit med leiaransvaret for heile kommunen, kommunalsjefane for sitt område, og verksemdsleiarane for sin verksemd.
Det bur noko over 1000 innbyggarar i kommunen, men som ein stor turistkommune har vi mange gjesteinnbyggarar. I kommunen finn ein gode tilhøve til natur- og friluftsaktivitetar, eit rikhaldig aktivitetstilbod og eit stort utval butikkar og servicetilbod. Bykle kommune har ein rekke innbyggargodar og tilskotsordningar som gjer det attraktivt å busette seg i kommunen. Du finn meir informasjon om Bykle kommune på www.bykle.kommune.no.
Bykle kommune søkjer:
Kommunalsjef for helse og omsorg
Bykle kommune ser etter ein fagleg dyktig, systematisk og utviklingsorientert kommunalsjef for helse og omsorg.
Vi tilbyr god løn, gode pensjonsordningar og gode velferdstilbod. Den som vert tilsett vil få moglegheit til å utvikle gjennom kompetanseheving og leiarutviklingsprogram.
Stillinga har varierte og utfordrande oppgåver, og er sentral i det strategiske utviklingsarbeidet i kommunen.
Om stillinga
Kommunalsjef for helse og omsorg er ei ny stilling som skal ha det overordna faglege, strategiske og administrative ansvaret for helse- og omsorgssektoren i Bykle kommune.
Stillinga svarar direkte til kommunedirektøren, har delegert mynde innanfor for sitt kommunalsjefområde og inngår i den strategiske leiargruppa i kommunen.
Som kommunalsjef vil du vere tett på avgjerdsprosessane, og arbeide i grensesnittet mellom politikk og administrasjon.
Kommunalsjefområdet består av to verksemder:
Helsetenesta
Pleie- og hjelpetenesta
Helsetenesta i Bykle og Valle er eit interkommunalt samarbeid som yter helsetenester i Bykle kommune og Valle kommune. Bykle kommune er vertskommune. Verksemda er leia av ein verksemdsleiar og har totalt 24 tilsette innanfor tenesteområda legevakt, fastlege, fysio- og ergoterapi, jordmor, psykisk helse og familiestøtte, og helsestasjon og skulehelse.
Pleie- og hjelpetenesta yter pleie- og omsorgstenester i Bykle kommune. Verksemda er leia av ein verksemdsleiar og har totalt 49 tilsette innanfor tenesteområda sjukeheim, heimebaserte tenester, dagaktivitetstilbod og habilitering.
Flyktningtenesta er eit tenesteområde som ligg direkte under kommunalsjefen. Tenesta vert leia av ein koordinator.
Strategisk og målretta med evne til å sjå heilskap
Tydeleg, inkluderande og utviklingsorientert leiarstil
Gode samarbeids- og kommunikasjonsevner
Trygg i møte med både faglege utfordringar og politiske prosessar
Evne til å inspirere, bygge relasjonar og engasjere folk
Personleg eignaheit vert vektlagd
Ei spennande og samfunnsviktig leiarstilling i ein utviklingsorientert og økonomisk robust kommune
Eit engasjert fagmiljø med dyktige medarbeidarar
Gode moglegheiter for fagleg utvikling
Løn etter avtale
Gode pensjons- og forsikringsordningar
Velferdstiltak som skapar trivsel og samhald
Kommunen kan hjelpe til med å skaffe bustad
Flyttegodtgjersle etter eige reglement
Bedriftsleilegheit i Kanalbyen, Kristiansand
Andre opplysningar
Oppdatert CV, vitnemål og attestar skal lastas opp i Webcruiter. Aktuelle kandidatar vert invitert til intervju.
Gyldig politiattest må fremsynas før tiltreiing
Tilsetjing skjer på dei vilkår som går fram av lover, reglement og tariffavtaler. Det vert trekt 2% pensjonsinnskot.
Bykle kommune er opptatt av mangfald og me oppmodar derfor alle som er kvalifiserte til å søke hos oss.
Namnet ditt vil normalt bli offentleggjort i forenkla søkjarliste. Du kan be om å bli unnateke offentlegheit, men då må du grunngje dette skriftleg, jf. offentleglova §25. Kan ikkje kommunen imøtekome dette, vil du bli varsla før offentleggjering.
Vi ønskjer ikkje kontakt med annonseseljarar.