Ulstein Verft bygger avanserte spesialfartøy og tilbyr eit breitt spekter av tenester innan nybygg og ettermarknad. Vi er inne i ei spennande periode med mykje aktivitet, og vi søker derfor etter ein engasjert og initiativrik anleggs- og vedlikehaldssjef. Stillinga vil ha ansvar for oppfølging av alle bygg, anlegg og utstyr til Ulstein Verft Eigedom (UVEE), og du vil vere ansvarleg for å forvalte eigedomar og utstyr for UVEE sine fasilitetar på Osneset.

Stillinga inneberer både sjølvstendig arbeid og lagarbeid, og vi ser etter deg som ser moglegheiter og nye løysingar. Rolla rapporterer til viseadministrerande direktør i Ulstein Verft.

Arbeidsoppgåver

• Forvaltning, drift og vedlikehald av UVEE sine eigedomar, bygningar og utstyr på Osneset
• Budsjett- og resultatansvar for området
• Sørge for at bygg, anlegg og utstyr har vedlikehaldssystem som bidreg til eit godt preventivt vedlikehald og forvaltning
• Ansvar for vedlikehalds- og driftsavtalar knytt til ansvarsområdet
• Ansvar for innkjøp av nødvendig driftsmateriell
• Stillinga inneber personalansvar for området Anlegg og Vedlikehald

Kvalifikasjonar og erfaring

Vi ønsker å kome i kontakt med deg som har bygg- eller maskinteknisk bakgrunn på bachelornivå eller høgare. Kandidatar med lengre relevant praktisk erfaring utan formelt utdanningsnivå som indikert vil bli tatt i betraktning. God økonomisk forståing i relasjon til forvaltning av anlegg er ein eigenskap vi ser etter ved denne tilsettinga, i tillegg til å ha gode kommunikasjonsferdigheiter. 

Kvifor velje Ulstein som arbeidsplass

Ulstein Verft byr på ein variert og interessant jobb, gode kollegaer og moglegheit for personleg utvikling. Vi er ein trygg arbeidsplass med gode HMS-verdiar, gode forsikrings- og pensjonsordningar og fleksitidsavtale for våre tilsette. 
Det er ei god kjensle å vere ein del av eit over 100 år gamalt selskap forbunden med kvalitet, pålitelegheit og leveringspresisjon!

I hjartet av Sunnmøre

Ulsteinvik og kommunane rundt er ein flott stad i hjartet av Sunnmøre. Det er kort veg til kino, konsertar, badeland, klivrehall, restaurantar og butikkar. Vi er omkransa av hav, fjell og turterreng, og det er kort veg til bylivet i Ålesund eller naturopplevingar i Sunnmørsalpane.

Kontaktinformasjon

Knut L. Barstad, Deputy Managing Director, +47 99252550
Anna Goksøyr, HR Manager, +47 94488674

Arbeidsstad

Osnesvegen 110
6065 Ulsteinvik

Nøkkelinformasjon:

Arbeidsgivar: Ulstein Verft AS

Referansenr.: 4911698577
Stillingsprosent: 100%
Fast
Søknadsfrist: 13.03.2025