Fysio/ergoterapitenesta i Sunnfjord kommune har 22 tilsette, fordelt mellom arbeidsstadane Førde, Naustdal, Sande og Skei. Tenesta består av fysioterapeutar, ergoterapeutar og serviceteknikarar med ansvar for hjelpemiddel. Eininga har eit godt og ungdommeleg fagmiljø, med mange dyktige og engasjerte medarbeidarar. Tenesta har eit nært samarbeid med andre kommunale tenester, og vi legg vekt på heilskapleg og tverrfagleg samhandling. 

Vi har for tida ledig stilling som 

Fysioterapeut i 100% fast stilling

Stillinga er lokalisert til tenesta på Sande i Sunnfjord, men arbeidsoppgåver i andre delar av kommunen må kunne påreknast ved behov. 

Som fysioterapeut vil arbeidsoppgåvene dine i hovudsak vere:

• behandling, rehabilitering og kurativ oppfølging av vaksne og eldre pasientar
• rettleiing og tverrfagleg samarbeid med andre faggrupper
• hjelpemiddelarbeid
• vere instruktør i treningsgrupper

Det kan i periodar også bli aktuelt med arbeidsoppgåver knytt til barn og unge, når det er behov for dette i tenesta.

Krav til søkar: 

• autorisasjon som fysioterapeut
• førarkort klasse B
• gode norskkunnskapar, både skriftleg og munnleg
• politiattest må leverast før oppstart i stillinga

Vi søker deg som:

• er strukturert, og kan planlegge eigen arbeidskvardag
• har god kjennskap til bruk av IT-verktøy; i Sunnfjord kommune nyttar vi  journalprogramma CosDoc og Pasientsky
• er fagleg trygg, og flink både til å samarbeide med andre og til å arbeide sjølvstendig
• nyutdanna fysioterapeutar vert også oppfordra til å søke

Vi kan tilby:

• løn etter tariff, men med årleg rekrutteringstillegg på kr 20 000 ekstra.
• tenestebilar
• kjekke og trivelege kollegaer, og eit ungdommeleg arbeidsmiljø
• Varierte arbeidsoppgåver
  

Oppgje referansar i søknaden. Du søker elektronisk. 

Velkommen som søkar til flotte Sunnfjord!