Vi søker etter ein handlekraftig og engasjert rådgivar som brenn for å sette retning for bibliotekutvikling, litteraturformidling og leselyst i Møre og Romsdal, og som har hjerte for at elevar i skolane får formidla gode opplevingar innan profesjonell kunst og kultur!
Møre og Romsdal fylkeskommune er pådrivar for den regionale bibliotekutviklinga ut i mot dei 27 kommunane i fylket, har oppfølging av biblioteka i vidaregåande skole og det regionale ansvaret for utvikling og drift av DKS-ordninga (Den kulturelle skolesekken) som sørger for profesjonelle kunst- og kulturtilbod til alle elevar.

I det store spennet i vår portefølje kan vi nemne Leselyst med dei minste, tøyveskebiblioteket, SommarLes, Litteraturhus Møre og Romsdal, berekraft i bibliotek. Gjennom den kulturelle skolesekken får elevar både i grunnskole og vidaregåande skole ulike møter med dei seks kunst- og kulturuttrykka film, kulturarv, litteratur, musikk, scenekunst og visuell kunst, formidla av profesjonelle kunstnarar, utøvarar og formidlarar.

Vi søker ein medarbeidar med forståing av folkebiblioteka sitt oppdrag, stor interesse for utvikling av litteratur, leselyst og formidling, og forståing av potensialet som er knytta til DKS-ordninga når det gjeld opplevingar, formidling, medverknad, utvikling og drift.

Møre og Romsdal fylkeskommune har arbeidslokalar både i Kristiansund, Molde og i Ålesund. Arbeidsstad for denne stillinga er fortrinnsvis Ålesund. 

 

Arbeidsoppgåver

Hovudoppgåvene i denne stillinga vil vere å initiere og iverksette nye former for litteraturformidling i samarbeid med folkebiblioteka, skolar og andre samarbeidspartar i fylket, som for eksempel regionale kulturinstitusjonar og frie kunstnarar. Du får og arbeide tett med nasjonale aktørar om ulike utviklingsprosjekt. Dette arbeidet inkluderer også initiativ/samarbeid om å lage nye produksjonar til DKS, velge ut program for litteratur i DKS, og planlegge og drifte DKS-turnear.

Samhandling, nettverksbygging og kompetanseutvikling står sentralt.
For å trivast hos oss må du vere lærevillig og førebudd på endra arbeidsoppgåver undervegs, ut frå behov for omprioriteringar som oppstår både eksternt og i kulturavdelinga.

Den som blir tilsett vil vere tilknytta to team; team for bibliotekutvikling og DKS-team.
Den tilsette må halde seg fagleg oppdatert, jobbe på tvers av fagfelt og utvikle og gjennomføre prosjekt innan fagområda.

Du får jobbe med å:

• veilede og vere pådrivar for utvikling av litteraturfeltet i Møre og Romsdal med særleg vekt på litteraturformidling og leselyst
• utvikle prosjekt på tvers av fagområder for å fremme litteraturfeltet
• samarbeide med tilsette i folkebiblioteka og biblioteka i vidaregåande skole
• programmere litteraturtilboda i DKS samt oppgåver innan planlegging og drift av DKS-turnéar
• legge til rette for nettverksarenaer, halde faglege innlegg og foredrag
• ta initiativ til samhandling med andre sektorar og interessentar internt, eksternt, nasjonalt
• behandle søknader om tilskot
   
  
  

Kvalifikasjonar

Vi søker deg som har

• høgare utdanning innanfor eit eller fleire av desse fagområda: bibliotekfag, pedagogisk utdanning, kunst- og kulturfag, samfunnsvitskap
• søkarar med annan relevant utdanning kombinert med erfaring frå biblioteksektoren eller skolesektoren kan bli vurdert

Det er ønskeleg med

• erfaring frå bibliotek
• erfaring frå skole
• god digital kompetanse og interesse for digital formidling
• erfaring frå prosjekt-, formidlings- og utviklingsarbeid
• økonomi- og logistikkforståing, kjennskap til excel
• god munnleg og skriftleg framstillingsevne
• innsikt i offentleg forvaltning og kjennskap til planprosessar
• førarkort klasse B

Personlege eigenskapar

• fleksibel
• løysingsorientert
• evne til å prioritere
• evne til samarbeid 
• gjennomføringsevne

Vi tilbyr

• ei utfordrande stilling med varierte arbeidsoppgåver
• eit spennande arbeidsmiljø med kolleger med eit mangfald av utdanning og kompetanse innan kunst og kultur
• god tilgang til fagleg nettverk og fagleg utvikling
• offentleg pensjonsordning og gode forsikringsvilkår (medlemskap i KLP)
• lønn etter avtale

Kontaktinformasjon

Mona Iren Auganæs, Fagleder bibliotek, 91632105, [email protected]
Ragnhild Holsvik, Seksjonsleder, 41629185, [email protected]

Arbeidsstad

Borgundvegen 340
6009 Ålesund

Nøkkelinformasjon:

Arbeidsgivar: Møre og Romsdal fylkeskommune

Referansenr.: 4930369775
Stillingsprosent: 100%
Fast
Søknadsfrist: 19.05.2025