Lignende stillinger
Firda vidaregåande skule ligg i kommunesenteret Sandane i Gloppen kommune, sentralt i Nordfjord, ved E39 og 10 km frå flyplass. Skulen har 342 elevplassar. I tillegg har skulen ca 100 deltakarar i opplæringstilbod for vaksne. Firda vidaregåande skule samarbeider òg med Nettskulen i Vestland fylkeskommune om å tilby nettbaserte programfag. Det er ca. 65 tilsette ved skulen.
Skulen har i over 12 år drive vaksenopplæring innanfor helsefag. Vi samarbeider med kommunar, arbeidsplassar, Nettskulen i Vestland og Menn i helse om opplæringa.
Skuleåret 2025-2026 vil Firda vgs tilby modulstrukturert opplæring for vaksne innafor helsearbeidarfaget, vg3 tannhelsesekretær, vg3 helsesekretær og vg3 apoteknikkar. Vi søkjer etter yrkesfaglærarar med god fagleg og pedagogisk kompetanse innafor helse- og omsorgsfaga.
Frå 01.08.2025 - 31.07.2026 har vi ledig inntil 100 % vikariat som lærar i helsefag.
Den som vert tilsett må kunne undervise i programfaga på helse- og oppvekstfag. Vi har òg grupper innanfor helsefag som følgjer modulstrukturert opplæring for vaksne, med både fysisk og digital opplæring.
- Relevant utdanning innafor helsefaga
- Praktisk pedagogisk kompetanse (PPU) eller anna godkjent pedagogisk utdanning
Arbeidserfaring frå tannlegekontor, legekontor og apotek er ønskjeleg.
Meir informasjon om skulen finn du på nettsida, www.firda.vgs.no. Det vert teke atterhald om tilsetjing då overtalige ved andre skular kan ha førerett til stillinga, eller at tilbod ikkje vert sett i gong.
Søknad sender du ved å bruke elektronisk søknadsskjema. Gje opp minst to referansar. Tilsetjinga vert gjort med prøvetid på 6 månader.
Den tilsette må legge fram politiattest av ny dato.
Søknadsfrist 26.05.2025
Nærare opplysningar om stillinga får du ved å vende deg til rektor Tove Hanne Ommedal, tlf 930 93 933 eller avdelingsleiar Charlotte Østebø Nilsen, tlf. 957 09 458.