Om skulen:

Toftøy skule er lokalisert på øya Toftøy nord i Øygarden kommune. Skulen ligg i naturfine omgjevnader, med idrettsbane like i nærleiken. Reisevegen frå Bergen er ca 35 minuttar. Skuleåret 2024/2025 har skulen 139 elevar og 22 tilsette. Vår visjon er «Å skape tryggleik og læring kvar dag for alle». Skulen har nynorsk som målform.

Om stillinga:

Stillinga er leding frå 08.04.2025 – 02.12.25

Arbeidsoppgåver: 

• Arbeid i skulen sine digitale system 
• Føring av løn og fråvær 
• Bestilling av varer og tenester 
• Fakturering og rekneskap 
• Resepsjonsoppgåver, blant anna svare telefon og ta imot besøkande  
• Arkivering 
• Andre kontor- og trivselsoppgåver 

Ønskjelege kvalifikasjonar:

• Bachelor i økonomi og administrasjon. Fagbrev innan kontorfag med erfaring frå liknande arbeid, eller lang erfaring frå liknande arbeid kan kompensere for manglande utdanning
• Erfaring med administrativt arbeid
• Gode norskkunnskapar både skriftleg og munnleg
• Erfaring med kontorarbeid i skulen
• Kjennskap til dei digitale systema som skulen nyttar

Personlege eigenskapar:

• Du er positiv og serviceinnstilt
• Du har god arbeidskapasitet og trivst i ein hektisk kvardag
• Du er oppteken av å ha god kommunikasjon med elevar, føresette, kollegaer og andre
• Du samarbeider godt med andre, men kan og jobbe effektivt åleine
• Du tek ansvar når vi har oppgåver vi treng å finne løysingar på

Vi tilbyr:

• Gode pensjons- og forsikringsordningar
• IA-bedrift
• Ein inkluderande arbeidsplass med motiverte og kunnskapsrike kollegaer
• Interessante utfordringar
• Høve til fagleg og personleg utvikling

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette.

Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.