Vil du vere sentral i eit spennande prosjekt som skal bidra til å auke talet på fagarbeidarar og levere kvalifisert arbeidskraft til Vestland?

Vestland fylkeskommune og Nav har eit felles samfunnsoppdrag på dette området. For å styrke samarbeidet har Vestland fylkeskommune og Nav Vestland sett i gang eit prosjekt som skal vidareutvikle samarbeidet mellom Vestland fylkeskommune, Nav og arbeidsmarknaden. Målet er å få fleire vaksne som står utanfor arbeidslivet inn i opplæring og sikre arbeidsmarknaden kvalifisert arbeidskraft. God samhandling internt i fylkeskommunen vil vere sentralt for å bidra til å styrke arbeidet med vidaregåande opplæring for vaksne.

Som prosjektkoordinator vil du jobbe tett saman med Nav med å planlegge og gjennomføre prosessar som skal bidra til å vidareutvikle nye og meir effektive måtar å samarbeide på.

Prosjektkoordinator i fylkeskommunen vil arbeide tett saman med prosjektkoordinator i Nav og den etablerte prosjektgruppa. Koordinatorane rapporterer til styringsgruppa i prosjektet.

Tilsetjing i prosjektet er til og med 31.12.2026.

     

Arbeidsoppgåver

Arbeids- og ansvarsområde:

• Utvikle samhandlingsstrukturar mellom Vestland fylkeskommune, Nav og arbeidsliv som skal bidra til å auke talet på fagarbeidarar og levere kvalifisert arbeidskraft.
• Følgje opp og styrke samarbeidet internt i fylkeskommunen og med Nav om opplæring, karriererettleiing og realkompetansevurdering.
• Utvikle samarbeidet med bransjeorganisasjonar, verksemder og ulike offentlege instansar.
• Utvikle gode metodar for å mobilisere og rekruttere deltakarar.
• Gjennomføre prosessar og aktivitetar for å involvere interessentar i prosjektet – t.d. med bedrifter, tilsette i Nav og rettleiingstenestene i Vestland fylkeskommune
• Bidra i planlegging, gjennomføring og evaluering av prosjektet

Kvalifikasjonar

• Relevant utdanning på master- eller bachelornivå. For tilsetting som rådgivar krevst det mastergrad.
• Erfaring og kunnskap frå arbeid i og/eller samarbeid med opplæringssektoren i Vestland 
• God erfaring med prosjektarbeid/prosessleiing
• God kjennskap til lov og regelverk for opplæringssektoren er ein fordel
• God digital kompetanse

Personlege eigenskapar

• Strukturert og sjølvstendig
• Gode evner til kommunikasjon og samhandling
• Fleksibel, lærevillig og glad i eit stort spenn av arbeidsoppgåver
• God munnleg og skriftleg framstillingsevne

Vi tilbyr

• Meiningsfulle og spennande arbeidsoppgåver
• Samarbeid i og på tvers av avdelingar og sektorar
• Godt arbeidsmiljø og dyktige kollegaer
• Digital samhandling i eit fagfellesskap med fleire kontorstader
• Løns- og arbeidsvilkår etter kvalifikasjonar og i samsvar med gjeldande avtalar i Vestland fylkeskommune
• Gode forsikrings- og pensjonsordningar

 

Andre opplysningar:

• Administrasjonsmålet i fylkeskommunen er nynorsk
• Alle nytilsetjingar vert gjort med ei prøvetid på 6 månadar
• Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Kontaktinformasjon

Tor Ivar Sandvik, seksjonssjef, 98692471, [email protected]

Arbeidsstad

Lars Hilles gate 22
5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 4887653470
Stillingsprosent: 100%
Anna
Søknadsfrist: 01.12.2024