Bjørgvin bispedøme har ledig stilling som prost i Sunnhordland prosti. 

Bjørgvin bispedøme sin visjon er "Saman vil vi ære Den treeinige Gud - ved å forkynne Gud, byggje kyrkjelydar og fremje rettferd."

Sunnhordland prosti omfattar kommunane Stord, Bømlo, Fitjar, Tysnes, Kvinnherad, Etne og Sveio med 60 600 innbyggjarar, vel 76 prosent er kyrkjemedlemer. Her er 38 kyrkjer, 22 sokn, 7 fellesråd og for tida 16 prestestillingar. Prosten har kontorplass og stabsfellesskap på kyrkjekontoret på Stord.

Kyrkja har ein viktig posisjon i lokalsamfunna, det er godt samarbeid med kommunane, næringsliv og kultur. Vi søkjer etter ein strategisk leiar som har gjennomføringskraft, har gode relasjonsevner, og trivst med å byggje fellesskap. Vi søkjer ein prost som er oppteken av forkynning, liturgi og gudstenestefornying, og som brenn for å utruste kyrkjelydane i prostiet.

Stillinga krev god teologisk og kyrkjefagleg kompetanse og gode leiareigenskaper. Prosten må kunne samarbeide med ulike aktørar og nivå i kyrkja og det offentlege. Vi søker ein leiar som evner å motivere løna og uløna medarbeidarar og kyrkjelydar til å arbeide i samsvar med kyrkja sine mål og strategiar.  

Prosten leiar prestetenesta i prostiet, gjer teneste som kyrkjelydsprest slik biskopen fastsetter, og gjer elles dei gjeremål som ligg til prostestillinga ifølgje tenesteordning for prost.

Vi ynskjer å tilsette ein prost som vil vere med å vidareutvikle eit spanande prosti med spennvidde i kyrkjeleg profil.

Bjørgvin bispedøme ynskjer fleire kvinner i leiande stillingar.

Nynorsk er skriftspråk og liturgimål i alle kyrkjene i prostiet. Søkjar bør ha førarkort klasse B og disponere bil.

Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unnatak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20.

Vi ber om at søknad med CV, vitnemål og referansar vert sendt elektronisk via Webcruiter.  

Arbeidsoppgåver

• Leie prestetenesta i prostiet ut frå tenesteordning for prostar
• Åndeleg og strategisk leiing
• Prosten skal saman med kyrkjeverjene sørgje for samvirke mellom prestetenesta og verksemda til dei kyrkjelege råda
• Motivera og leie medarbeidarar med høg kompetanse
• Økonomi, administrasjon- og personalarbeid
  
• Deltaking på prostemøte og andre møter biskopen kallar inn til
• Tenesta som kyrkjelydsprest vert fastsett av biskopen      

Kvalifikasjonar

• Cand.theol. med praktikum eller tilsvarande/master i teologi og praktikum
  
• Leiarkompetanse og leiarerfaring vil bli vektlagd
• Erfaring frå personalarbeid og administrativt arbeid vil bli vektlagd
• God teologisk kompetanse
  
• Medlemskap i Den norske kyrkja

Personlege eigenskapar

• Evne og vilje til samarbeid
  
• Evne til strategisk tenking og god gjennomføringskraft
• Evne til å motivera og inspirera
• Engasjert og kvalitetsbevisst i arbeidet med gudstenesta
• Søkjar må kunne samarbeide liturgisk med kollegaer uavhengig av kjønn eller teologisk usemje

Vi tilbyr

• Eit spennande og mangfaldig bispedøme
• Plassering i stillingskode 0933 prost etter KA sitt tariffområde
• Pensjonsinnskot i Statens pensjonskasse
• Reiseutgifter godtgjort etter gjeldande regulativ
• Rettleiingsgruppe for prostar
  

Kontaktinformasjon

Ragnhild Jepsen, biskop, 97976035
Jan Ove Fjelltveit, stiftsdirektør, 95136898

Arbeidsstad

Sæ 21
5417 Stord

Nøkkelinformasjon:

Arbeidsgivar: Den norske kirke

Referansenr.: 4816011286
Stillingsprosent: 100%
Fast
Søknadsfrist: 11.08.2024