Lignende stillinger
Vi søker inntil 2 lærarar i 100% stilling frå 1. august 2025.
1 stilling er knytt til faga norsk, samfunnsfag, KRLE og valfag.
1 stilling er knytt til faga matematikk, naturfag og valfag.
Florø ungdomsskule har skuleåret 2024/ 2025 ca. 460 elevar i 17 klasser og 80 tilsette. Vi har ei eiga avdeling for særskild norskopplæring og integrering. Det vert lagt vekt på kontinuerleg profesjonsutvikling etter mål om inkluderande praksis og eit godt og trygt miljø for alle. Dette inneber at dei tilsette må vere utviklingsorienterte både kollektivt, gjennom samskaping, og individuelt, i forhold til eigen praksis. Saman med dei andre skulane i Kinn arbeider vi systematisk med inkluderande skulemiljø. Skulen satsar på forsterka tilpassa opplæring, og har to lærarar i kvar klasse i norsk, engelsk og matematikk. Teknologi er eit satsingsområde, og alle elevar og tilsette har eigne digitale einingar. Florø ungdomsskule har tradisjon for kulturbaserte miljøprosjekt, t.d. konsertar og musikaloppsetjingar, og aktivitetar i fellesareala våre som engasjerar og inkluderar. Vi søkjer etter engasjerte lærarar med gode fagkunnskapar og evne til å skape gode relasjonar til elevar og kollegaer. Vi forventar at nytilsette vil arbeide etter dei verdiar og i dei organisasjonsstrukturar som er gjeldande ved skulen vår. Aktuelle søkarar må rekne med intervju og kunne oppgje referanse.