UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://www.youtube.com/watch?v=vtJLmcUJ3-w

Førsteamanuensis/universitetslektor (50 %) i medisin (fagkoordinator 4. studieår) Vestlandslegen

Ved Det medisinske fakultet, Universitetet i Bergen (UiB), er det ledig ei fast stilling som førsteamanuensis eller universitetslektor (50 %) i medisin ved Klinisk institutt 1 eller ved Klinisk institutt 2 (det avheng av søkjars fagområde/spesialitet). Stillinga skal inneha rolla som fagkoordinator for indremedisinske og kirurgiske fag i medisinstudiet. Arbeidsstaden er ved Stavanger universitetssjukehus (SUS), og søkjarane må ha fast tilsetting som lege ved sjukehuset. 

Bakgrunnen for utlysinga av stillinga er fakultetet sitt prosjekt for å etablere ein regional studiemodell for legeutdanninga ved UiB, i samarbeid med dei lokale helseføretaka i Helse Vest. I første omgang er det starta opp i Stavanger med base ved SUS for 20 studentar frå 4. studieår, og ei auka til 40 studentar frå hausten 2027.

Arbeidsoppgåver/forskingsområde for fagkoordinator:

• Koordinere det faglege arbeidet for indremedisinske og kirurgiske fag i utvikling og etablering av studieløpet i Stavanger, inkludert nærliggande fag etter avtale 
• Samarbeide tett med tilsvarande faglege koordinatorar for 5. og 6. studieå 
• Samordne og leie undervisninga for dei som har bistillingar i indremedisinske og kirurgiske fag, inkludert nærliggande fag 
• Samarbeide tett med fagleg studieleiar ved UiB/SUS 
• Samarbeide med relevante faglege og administrativt ansvarlege for studieprogrammet i medisin ved Det medisinske fakultet 
• Utvikle ein detaljert timeplan, koordinere undervisninga og det pedagogiske arbeidet.

Arbeidsoppgåver/forskingsområde for førsteamanuensis:

Den som vert tilsett skal leie og initiere forskingsprosjekt, undervise og rettleie studentar og stipendiatar, og ta på seg administrative oppgåver etter rettleiande tidsmessige rammer. Det vert forventa at den tilsette regelmessig sender søknadar til relevante nasjonale og internasjonale kjelder for forskingsfinansiering. Undervisningsplikta i stillinga er først og fremst knytt til medisinstudiet, men personen som vert tilsett pliktar å undervise i høve til dei studieprogramma fakultetet/instituttet til ei kvar tid har. Det vert forventa høge ambisjonar og god kvalitet med omsyn til undervisning, og aktiv deltaking i instituttet og fakultetet sitt strategiarbeid og faglege aktivitetar. 

Vi søkjer ein medarbeidar som saman med tilsette ved instituttet vil bidra til framifrå forsking og undervisning. Personen vi søkjer er i ein aktiv fase av karrieren, og har fagleg tyngde innafor eit forskingsfelt som er relevant for instituttet.

Arbeidsoppgåver for universitetslektor:

Den som vert tilsett skal undervise og rettleie medisinstudentar, og ta på seg administrative oppgåver etter rettleiande tidsmessige rammer. Undervisningsplikta i stillinga er først og fremst knytt til medisinstudiet, men personen som vert tilsett pliktar å undervise i høve til dei studieprogramma fakultetet/instituttet til ei kvar tid har. Det vert forventa høge ambisjonar og god kvalitet med omsyn til undervisning, og aktiv deltaking i instituttet og fakultetet sitt strategiarbeid og faglege aktivitetar.

Kvalifikasjonar og eigenskapar for førsteamanuensis:

Kvalifiserte søkjarar har norsk doktorgrad i eit relevant fagfelt, eller tilsvarande kompetanse, og må vere lege (cand.med.) og ha spesialitet innan eit av faga det skal undervisast i. I tillegg må søkjar fylle krav til utdanningsfagleg kompetanse. Det er eit ønske at søkjar har brei og relevant klinisk erfaring, samt stort engasjement og interesse for undervisning. 

Den ideelle kandidaten publiserer på høgt internasjonalt nivå, kan vise til søknader og tilslag frå nasjonale og internasjonale finansieringskjelder for forsking og utdanningsarbeid, og har etablert, eller er i ferd med å etablere, eiga forskingsgruppe. Resultat oppnådd dei siste 5-7 år vil bli særleg vektlagt ved bedømminga. Den ideelle kandidaten har også erfaring med undervisning på bachelor- og masternivå eller i profesjonsutdanningar, og frå rettleiing av ph.d.- kandidatar. Erfaring frå ulike nasjonale og internasjonale forskingsinstitusjonar, og evne til å etablere internasjonale nettverk vil telje positivt ved bedømminga, og det same gjer også erfaring av og interesse for innovasjon. Personlege eigenskapar blir vektlagd ved vurderinga. 

Undervisningsfagleg kompetanse er eit krav for stillinga, sjå retningsliner for oppretting av ei pedagogisk mappe på Eining for læring. Førsteamanuensis vil få tilbod om opplæring dersom kravet ikkje er oppfylt før tilsetjing. Undervisningsspråket er til vanleg norsk. Det vert kravd at den som vert tilsett, kan undervise på norsk eller eit anna skandinavisk språk innan to år etter tilsetjinga. Kurs vert tilbode.

Kvalifikasjonar og eigenskapar for universitetslektor:

• Søkjar må vere lege (cand.med.) og ha spesialitet innan eit av faga det skal undervisast i 
• Det er eit ønskje at søkjar har brei og relevant klinisk erfaring, samt stort engasjement og interesse for undervisning 

Undervisningsspråket er til vanleg norsk. Det vert kravd at den som vert tilsett, kan undervise på norsk eller eit anna skandinavisk språk innan to år etter tilsetjinga. Kurs vert tilbode.

Vi tilbyr:

• Eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt 
• Faglege utfordringar med gode høve for personleg utvikling og kompetanseutvikling 
• Førsteamanuensis: 
  Løn er for tida kr 720 100 – 745 000 (kode 1011), eller løn for spesialist kr 745 000 - 777 900. Løn er brutto pr. år for ei fulltidsstilling i lønsregulativet til staten ved tilsetjing. For særleg kvalifisert søkjar kan det verte aktuelt å vurdere høgare løn 
• Universitetslektor: 
  Løn er for tida kr 594 500 – 657 300 (kode 1009) brutto pr. år for ei fulltidsstilling. For særleg kvalifisert søkjar kan det verte aktuelt å vurdere høgare løn
• Medlemskap i Statens pensjonskasse
• Gode velferdsordningar

Søknaden skal innehalde

Førsteamanuensis:

• Søknadsbrev som fortel kvifor du søkjer stillinga
• Utfyllande CV samt relevante vitnemål og attestar
• Fullstendig publikasjonsliste
• Pedagogisk mappe, sjå Eining for læring
• Ei liste over vitskaplege arbeid du vil det skal takast omsyn til ved vurderinga (høgst 10). For kvart arbeid skal det følgje md eit kort samandrag som omtalar dei viktigaste funna i arbeidet. 
• Dei 10 vitskaplege arbeida frå punktet over i pdf-format
• Plan for eiga forsking dei neste fem åra (max 5 A4-sider)
• Namn og kontaktinformasjon til minst to referansar

Universitetslektor

• Ei kort utgreiing om søkjaren sin motivasjon for å søkje stillinga
• Karakterutskrifter (all høgare utfanning) og relevante attestar
• Dokumentasjon på utdanningsdagleg kompetanse

• To referansar (namn og kontaktinformasjon)

  Dersom du driv forsking legg du ved:

• Fullstendig publikasjonsliste
• Vitskapleg arbeid (maks 10) i PDF-format

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden.

Generell informasjon:

Utfyllande opplysningar om stillinga får ein ved å kontakte prosjektleiar for Vestlandslegen UiB, Simon Nitter Dankel, e-post: [email protected] eller fagleg studieleiar for Vestlandslegen i Stavanger, Audun Osland Vik-Mo, e-post: [email protected]

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.